Affilieer by Sakeliga

“Sterk sakekamers staan tussen die sukses of mislukking van ’n dorp of stad. Ons nuwe affiliasieprogram help sakekamers om hul plaaslike ekonomieë weer sterk te maak.

– Piet le Roux, uitvoerende hoof van Sakeliga –

Proses: Affiliasie in drie stappe

Stap 1: Registreer op www.sakeplein.com

  • (Vanaf Maandag 11 November 2019): Voltooi die registrasiestappe onder “Registreer ‘n Sakekamer” en skep ’n admin-profiel. Bekom voorlopige affiliasie.

Stap 2: Maak ’n afspraak

  • Sakeliga besoek jou sakekamer gratis om die proses, dokumente en ledeinligting te versamel en te begin invoer op die platform. Bekom finale affiliasie.

Stap 3: Afskop en bekendstelling

  • Jou Sakekamer-bestuurstelsel op Sakeplein word geaktiveer. Begin gelde invorder, funksies reël en uitbrei.

Die 2020 Sakeliga-waardeaanbod vir sakekamers

  1. Sakekamers bly selfstandig en onafhanklik. Onafhanklikheid en die handhawing van sakekamers se selfstandigheid, insluitende elkeen se eie ledebasis, is vir Sakeliga ’n prioriteit. Ons affiliasieprogram respekteer en ondersteun dit. Ons doel is om ’n sterk netwerk te bou, suksesvolle strukture te verseker, en sinergie te vind – nie om op plaaslike vlak by sakekamerbestuur betrokke te raak of alle lidmaatskap in een groot organisasie te versmelt nie. Ons fokus is sistemies, nasionaal en internasionaal. So help Sakeliga en geaffilieerde kamers mekaar om elkeen op kernbesigheid te fokus en mekaar so sterker te maak.

  1. Sakekamers kry toegang tot ’n unieke sakekamerbestuurstelsel wat bedryfskoste verminder en doeltreffendheid verhoog. Dit geskied met behulp van Sakeliga se nuwe digitale sakeplatform, Sakeplein. Hierdie bestuurstelsel is ’n aanlyn sakekamer-in-’n-boks. Dit bring lede in kontak met mekaar, vorder outomaties ledegelde in, maak kommunikasie maklik, hanteer funksies en kaartjies, hanteer betalings en fondswerwing, en meer.

  1. Sakekamers en hul lede word deel van ’n nasionale en internasionale netwerk van sakelui wat kan saamwerk om gunstige ekonomiese omgewings te skep. Sterk sakekamers kan die verskil wees tussen ’n dorp of ’n streek se ekonomiese sukses of mislukking. Deur saam te werk kan sakekamers regskostes afbring, ontwikkelingsprojekte doen, beter met owerhede beding, beter samewerkinge met gemeenskapsorganisasies kry, en meer.

  1. Sakekamers kry toegang tot Sakeliga se regsnetwerk. Die werklikheid is dat sakekamers dikwels met plaaslike owerhede in onderhandeling of dispuut gaan, of stappe neem om self dienste te verskaf wat plaaslike owerhede in gebreke bly om te lewer. Dan is goeie regsadvies belangrik en het Sakeliga reeds baie belê in die ontwikkeling van kundigheidspoele waartoe sakekamers dan effektiewelik veel goedkoper toegang kan kry.

  1. Sakekamers se lede kry toegang tot groter ledevoordele, deur ’n spesiale affiliasielidmaatskap by Sakeliga. Affiliasie-lede ontvang navorsingsinligting, 20%-afslag op Sakeliga-funksies en 20% korting op lidmaatskapfooie vir volledige sakelidmaatskap van Sakeliga. Bestaande lede van Sakeliga wat deel is van ’n geaffilieerde sakekamer kan op versoek ook die verminderde prys vir sakelidmaatskap betaal. Sakelidmaatskap bied aan die lid omvattende voordele.

  1. Sakekamers verhoog hul ledegetalle en inkomste. Sakeliga sal sy meer as 12 000 lede wat nie by sakekamers aangesluit is nie aanmoedig om by geaffilieerde sakekamers aan te sluit. Vir alle sakekamerlede wat op hul beurt by Sakeliga aansluit sal Sakeliga 10% van die ledegeld aan sakekamers skenk.

  1. Hulp met die oprigting van sakekamers. Sakeliga help op versoek voornemende en bestaande sakekamers met standaard konsepgrondwette en ander regsbystand teen baie voordelige tariewe, sodat die kamers se regsaspekte op goeie grondslag en so belastingvoordelig as moontlik is.

Hoe moet die sakegemeenskap van môre organiseer?

Minder politiek, meer besigheid

By Sakeliga glo ons in minder politiek, meer besigheid. Daarom wil ons unieke antwoorde – besigheidsantwoorde – op die probleme in Suid-Afrika moontlik maak.

Die uitdagings is welbekend: Nie net is meeste munisipaliteite bankrot en disfunksioneel nie, maar so ook is ’n kombinasie van onvermoë en slegte beleid besig om op nasionale vlak groot ekonomiese skade aan te rig.

Om dit op te los sal selfstandige, selfregulerende sakegemeenskappe nodig wees, om vir hulself en alle gemeenskappe waar hulle sake doen waarde te skep en wins te maak. Daarvoor skep Sakeliga nou die institusionele infrastruktuur: om sakelui in staat te stel om op plaaslike vlak saam te werk en terselfdertyd te put uit die skaalvoordele en kapitaalmobiliseringsvermoë van ’n nasionale en internasionale sakenetwerk.

Internasionaal

In September 2019 het Sakeliga sy eerste internasionale skakeltoer onderneem. Die toer het uitgereik nie net na buitelandse sakekamers, beleidsvormers en navorsers nie, maar ook na die groeiende Afrikaanse en Suid-Afrikaanse diaspora – ’n diaspora wat steeds ’n waarderaamwerk deel en ’n reuse bate is.

Met ons waardeproposisie vir sakekamers en ons digitale sakeplatform, Sakeplein, wil ons hierdie sakediaspora versterk en in staat stel om binne ’n vertrouensnetwerk met mekaar besigheid te doen. Daar is geen rede waarom ’n ekonomie vandag slegs binne die grense van ’n staat hoef te bestaan nie.

Sakeliga beoog om sy plaaslike sakekamer-affiliasies in die loop van 2020 met internasionale affiliasies van Afrikaanse en eks-Suid-Afrikaanse sakegroepe aan te vul.

Aanvullend tot bestaande affiliasies

Sakeliga se affiliasieprogram is ontwerp om aanvullend te wees tot ander sakekamer-affiliasieprogramme en stel geen vereistes van eksklusiwiteit nie. Ons weet baie sakekamers het lang verbintenisse met ander nasionale en internasionale sakekamerorganisasies. Sakeliga verwelkom en respekteer dit. Daarom plaas ons nie ’n vervangende nie, maar ’n unieke waarde-aanbod op die tafel. En daarom verwelkom ons dit as sakekamers wat by Sakeliga affilieer ook by ander organisasies geaffilieer bly.

Die model: Ooreenkomste, operasioneel, inkomste en koste

Affiliasie by Sakeliga werk as volg:

Ooreenkomste

  1. Die sakekamer aanvaar die gebruiksvoorwaardes van Sakeplein.
  2. Die sakekamer en Sakeliga onderteken ’n affiliasie-ooreenkoms, wat die verhouding tussen die partye definieer, en waarmee die sakekamer aandui of dit Sakeliga se beginsels en oogmerke ondersteun.
  3. Sakeliga neem lidmaatskap op van die sakekamer, waarmee Sakeliga sy verbintenis tot die sakekamer/plaaslike sakeliga en plaaslike sakegemeenskap aandui.
  4. Die affiliasie kan beëindig word deur enige party, onder meer wanneer die sakekamer sodanige kennis aan Sakeliga gee, of wanneer Sakeliga as lid van die sakekamer bedank.

Operasioneel

  1. Die sakekamer kies of dit as ’n sakekamer bekend wil staan, en of dit eerder die opsie wil uitoefen om as ’n plaaslike sakeliga bekend te staan en sodoende die voordele van die groter handelsmerk te benut.
  2. Die sakekamer reël sy eie sake en bestuur sy eie lede, maar nou veral met behulp van Sakeplein se sakekamerbestuurstelsel, met die ondersteuning van Sakeliga waar dit versoek word en verleen kan word.
  3. Sakekamers se lede kry almal, sonder enige verdere koste vir die sakekamer of vir die lede, affiliasie-lidmaatskap van Sakeliga, wat hulle of kan uitbrei na volgende vlakke toe, of waaruit hulle vry is om te bedank as hulle wil.

Inkomste

  1. Sakeliga betaal maandeliks aan geaffilieerde sakekamers ’n skenking van 10% op die lidmaatskapgelde (of relevante deel daarvan) ontvang vanaf persone wat via die sakekamer by Sakeliga aangesluit het of hul bydraes verhoog het.

Koste

  1. ’n 10%-fooi word gehef op alle gelde wat deur die Sakeplein-platform vloei.

Bepalings en voorwaardes

Die inligting vervat in hierdie waarde-aanbod is met sorg opgestel en is bedoel om geldig te bly vir 2020. Soos wat die affiliasiemodel en Sakeliga oor tyd ontwikkel sal aspekte van die waarde-aanbod verander. Na verwagting sal die bepalings en voorwaardes ten minste jaarliks hersien word, maar soos nodig ook tussendeur. Die inligting in hierdie waarde-proposisie is dus steeds onderhewig aan hersiening, en deurgaans onderhewig aan die bepalings van die uiteindelike affiliasie-ooreenkomste self. 

Raak Betrokke

Indien hierdie gedagtes by jou, jou bestuur en jou lede byval vind vul die onderstaande vorm in om deel te word van die grootste en sterkste sake-organisasie wat die land nog gesien het.

  • Persoonlik

  • Kontakbesonderhede

  • Sakekamer besonderhede

  • Is jy deel van die plaaslike sakekamer?
  • Is jy ‘n Sakeliga-lid?
  • This field is for validation purposes and should be left unchanged.

WORD DEEL

VAN DIE GESPREK

facebookyoutubetwitter

TUIS     NUUS     KONTAK ONS

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!

Subscribe to our newsletter

Join our mailing list to receive the latest news and updates from our team.

You have Successfully Subscribed!

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!

Subscribe to our newsletter

Join our mailing list to receive the latest news and updates from our team.

You have Successfully Subscribed!

SLUIT AAN
NUUSBRIEF